الرجی، اینٹی بائیوٹک، معدے اور خون کی کمی کی ادویات سمیت متعدد مصنوعات کے مخصوص بیچز پر پابندی، محکمہ صحت کا فوری کریک ڈاؤن کا حکم


زوا لقرنین رانا سے
لاہور: پنجاب میں جعلی، غیر معیاری اور ملاوٹ شدہ ادویات کے خلاف کارروائی کے دوران 12 ادویات اور طبی مصنوعات کے مخصوص بیچز کو ناقص قرار دے دیا گیا ہے، جس کے بعد ان کے استعمال، فروخت اور تقسیم پر فوری پابندی عائد کرتے ہوئے مارکیٹ سے واپس منگوانے کا حکم جاری کر دیا گیا۔
محکمہ صحت کے ذرائع کے مطابق الرجی کے علاج میں استعمال ہونے والی پانچ مختلف کمپنیوں کی ادویات ڈرگ ٹیسٹنگ کے دوران غیر معیاری قرار پائی ہیں، جبکہ معروف اینٹی بائیوٹک ایزومیکس (Azomax) کے مخصوص بیچز جعلی ثابت ہونے پر انہیں فوری طور پر مارکیٹ سے واپس طلب کرنے کی ہدایت جاری کی گئی ہے۔

اسی طرح معدے کے امراض کے علاج میں استعمال ہونے والی دوا زوپینٹ (Zopent) بھی جعلی قرار دی گئی ہے، جبکہ خون کی کمی کے مریضوں کو لگایا جانے والا ایک انجیکشن بھی معیار پر پورا نہ اترنے کے باعث غیر معیاری قرار دیا گیا ہے۔
ذرائع کے مطابق ہومیوپیتھک گولیوں بیلا (Bella) اور ڈونا (Donna) میں ممنوعہ اسٹیرائیڈز کی موجودگی کا انکشاف بھی ہوا ہے، جبکہ جلد کو گورا کرنے کے لیے استعمال ہونے والی ڈرموٹین (Dermotin) فیس وائٹننگ کریم میں بھی ملاوٹ ثابت ہوئی ہے۔
محکمہ صحت نے متعلقہ تمام ادویات اور طبی مصنوعات کے مخصوص بیچز کے استعمال کو فوری طور پر روکنے کی ہدایت کرتے ہوئے صوبہ بھر کے ڈاکٹروں، طبی ماہرین، فارماسسٹ، میڈیکل اسٹورز اور ڈسٹری بیوٹرز کو الرٹ جاری کر دیا ہے۔
حکام نے ڈرگ انسپکٹرز کو ہدایت کی ہے کہ جعلی اور غیر معیاری ادویات کے خلاف جاری کریک ڈاؤن مزید تیز کیا جائے، تمام ممنوعہ بیچز کو مارکیٹ سے فوری طور پر ہٹایا جائے اور ذمہ دار عناصر کے خلاف قانون کے مطابق کارروائی عمل میں لائی جائے تاکہ عوام کو مضر صحت ادویات سے محفوظ رکھا جا سکے۔

پشاور میں نادرا کا اسسٹنٹ ڈائریکٹر فائرنگ سے جاں بحق
- 9 days ago

پیٹرول اور ڈیزل کی قیمتوں میں کمی کا اعلان
- 10 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 7 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 8 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 7 days ago

پولیس افسران کی ترقیوں کے خلاف پنجاب حکومت کی اپیلیں خارج
- 8 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 7 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 7 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 8 days ago
پہلے ایل پی جی اوراب بجلی بم گرا دیا گیا
- 9 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 8 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 10 days ago






