بالی وڈ اسٹار کے گھر سے سانپ برآمد، خوف و ہراس پھیل گیا

ویب ڈیسک:  بالی وڈ کے معروف اداکار شاہ رخ خان کی رہائش گاہ ’منت‘ سے سانپ نکل آئے۔

ہندوستان ٹائمز کے مطابق یہ واقعہ ممبئی کے علاقے بینڈ اسٹینڈ میں واقع شاہ رخ خان کی رہائش گاہ میں پیش آیا جہاں گھر کے لان میں دو سانپ دیکھے گئے۔

رپورٹ کے مطابق سانپوں کی موجودگی کی اطلاع ملنے کے بعد سانپ پکڑنے والے وکی دوبے کو رات 8 بجے طلب کیا گیا۔

 ریسکیو آپریشن کے دوران ایک سانپ سیڑھی کے نیچے سے پکڑ لیا گیا جب کہ دوسرا پھسل کر گھر کے اندر داخل ہوگیا۔

શાહરૂખના ઘરમાંથી નીકળ્યો 8 ફૂટ લાંબો સાપ! હજુ એક સાપની શોધખોળ ચાલુ | SRK Mannat Snake Rescue

બોલિવૂડ સુપરસ્ટાર શાહરૂખ ખાનના બાંદ્રા સ્થિત બંગલા 'મન્નત'ના પરિસરમાં બે સાપ દેખાતા વન વિભાગ દ્વારા રેસ્ક્યુ કામગીરી હાથ ધરાઈ. ૮ ફૂટ લાંબા બિન-ઝેરી ધામણ સાપનું સુરક્ષિત રેસ્ક્યુ કરાયું,… pic.twitter.com/ks4XRNPqhV

— Mumbai Samachar Official (@Samachar_Mumbai) August 18, 2026

بعد ازاں دوسرے سانپ کو بھی تلاش کر کے قابو کر لیا گیا، دونوں میں سے ایک سانپ کی شناخت تقریباً 8 فٹ لمبے انڈین ریٹ اسنیک کے طور پر ہوئی ہے جو زہریلا نہیں ہوتا۔

ریسکیو ٹیم نے سانپ کو رہائشی علاقے سے دور لے جاکر اس کے قدرتی مسکن میں چھوڑ دیا۔

سانپوں کے غیر زہریلے ہونے کی تصدیق کے بعد منت کے سکیورٹی گارڈز اور عملے نے بھی اطمینان کا اظہار کیا ہے۔

واضح رہے کہ ممبئی کے بینڈ اسٹینڈ کے علاقے میں واقع شاہ رخ خان کی رہائش گاہ ’منت‘ دنیا بھر میں مشہور ترین سیلیبریٹی رہائش گاہوں میں شمار ہوتی ہے۔