اداکارہ ہنی خان نے خود پر ہونیوالی تنقید کا جواب دے دیا

عبدالسلام علی سے

لاہور: ابھرتی ہوئی ماڈل ، ٹک ٹاکر اور اداکارہ ہنی خان کہتی ہیں کہ ملک بادشاہ فلم کی اوپننگ پر میری شرکت پر خاصی ٹرولنگ کی گئی مجھے بلا وجہ تنقید کا نشانہ بنایا گیا،، میرے لباس اور فلم پر  بھی انگلیاں اٹھائی گئیں۔

انہوں نےمزید کہا کہ میں صرف محنت پر یقین رکھتی ہوں اور شارٹ کٹ کے ذریعے مجھے آگے جانا بالکل بھی پسند نہیں ہے، اس لیے میں اچھے اور معیاری کام کو ترجیح دیتی ہوں۔

ہنی خان نے کہا کہ ابھی مجھے اس فیلڈ میں آئے ہوئے دو سال  ہونے کو ہیں لیکن میرے کام نہ صرف پسند کیا گیا بلکہ شروع میں ہی بڑی اسکرین پر بھی چانس ملا ،، مزید بھی میرے پراجیکٹس ہیں اور مداح مجھے جلد ہی نئے انداز میں دیکھیں گے۔

واضح رہے اداکارہ ہنی خان کی حال ہی میں فلم ملک بادشاہ سینما گھروں کی زینت بنی ہے جس کے ڈائریکٹر سکند ر خان ہیں فلم کی اوپننگ تقریب میں اداکارہ ہنی خان کی شرکت پر سوشل میڈیا پر خاصی تنقید کی گئی