شاہکار’دیوداس‘ اسٹیج پر پیش کیا جائے گا

عبدالسلام علی سے  

لاہور: معروف رائٹر شرت چندر شیٹر جی کے شہرہ آفاق ناول ’’ دیوداس ‘‘ کو فلم کے بعد اب تھیٹر پر پیش کیا جائے گا۔

اس سلسلے میں لاہور کے تماثیل ڈیجیٹل تھیٹر میں تیاریاں زورو شور سے جاری ہیں،، معروف ڈرامہ رائٹر، ڈائریکٹر قیصر ثنا اللہ خان نے ڈرامے کی کاسٹ کے ہمراہ پریس کانفرنس کرتے ہوئے بتایا کہ شہرہ آفاق دیوداس کو اسٹیج پر پیش کرنا آسان نہیں ہے۔

اس سلسلے میں جتنی بھی فلمیں بنیں ان کا سحر آج بھی برقرار ہے لیکن تھیٹر مکمل طورپر منفرد ہو گا ،، اس لیے ڈرامہ سے قبل ہی  میری پوری ٹیم ریہرسل پر پہنچ گئی ہے۔

مزید کہا کہ اس ڈرامہ میں فلم، ٹی وی اور تھیٹر کے بڑے اداکار منفرد انداز میں دکھائی دیں گے،، اداکار ناصر چنیوٹی، آغا ماجد، شاہد خان ،دیدار ملتانی اور دیگر نے کہا کہ تاریخی ڈرامے کا حصہ بننا اعزاز ہے کوشش ہو گی کردار  میں حقیقت کا رنگ بھریں۔

ڈرامہ دیوداس چھ نومبر سے تماثیل ڈیجیٹل تھیٹر لاہور میں نمائش کیلئے پیش کیا جائے گا ۔