حکومت کا ارشد ندیم اور طلحہ طالب کو دس دس لاکھ روپے دینے کا اعلان

وزیر کھیل پنجاب رائے تیمور بھٹی نے پریس کانفرنس  کرتے ہوئے کہا کہ  ایتھلیٹ میں ارشد ندیم پہلے کھلاڑی ہیں جنہوں نے کوالیفائی کیا ہے،ارشد ندیم اور طلحہ طالب دونوں نے پاکستان کا نام روشن کیا ہے، ارشد ندیم کو خود ائیرپورٹ لینے جاؤں گا ۔

وزیر کھیل پنجاب رائے تیمور بھٹی نے کہا کہ  ارشد ندیم اور طلحہ طالب کو دس دس لاکھ روپے دیے جائیں گے، کوہ پیما شہروز کاشف کو بھی دس لاکھ روپے کا انعام دیا جائے گا،  ارشد ندیم کے کوچ فیاض بخاری کو بھی پانچ لاکھ کا انعام دیا جائے گا ، انعامی رقم تینوں کھلاڑیوں کو وزیراعلیٰ پنجاب خود دیں گے۔

رائے تیمور بھٹی  نے مزید کہا کہ  پیرا اولمپکس کے لیے کوالیفائی کرنے والے حیدر علی اور انیلہ بیگ کو بھی سپورٹ کر رہے ہیں، دونوں پیرا اولمپکس کھلاڑیوں کے تمام اخراجات پنجاب حکومت برداشت کرے گی۔