سعودی عرب میں خود کار نظام کے تحت وزٹ ویزوں میں توسیع کردی گئی

سعودی اخبار 24 کے مطابق وزارت خارجہ نے کہا ہے کہ وزٹ ویزوں میں توسیع پر کوئی فیس نہیں اور توسیع کے لیے مقرر مقابل مالی  بھی وصول نہیں کیا جائیگا۔

وزارت خارجہ نے توجہ دلائی کہ بیرون مملکت موجود ان وزٹ ویزہ ہولڈرز کے ویزوں میں بھی توسیع ہوگی جنہوں نے ویزے استعمال نہیں کیے ہوں گے ۔

وزارت خارجہ کا کہناہے کہ سعودی عرب کورونا وبا کے مسائل میں تخفیف کی پالیسی پر گامزن ہے نیافیصلہ بھی اسی کا حصہ ہے ، اس سے ان لوگوں کو بھی فائدہ ہوگا جن کے وزٹ ویزے ختم ہوگئے ہیں ،اور وہ دوسرے ملکوں میں پھنسے ہوئے ہیں ۔