ایک ہی شادی سے خوش ہوں: حمزہ علی عباسی

تفصیلات کے مطابق حمزہ علی عباسی کا کہنا ہے کہ اسلام میں چار شادیوں کی اجازت انتہائی  صورتحال میں دی گئی ہے، جنگ احد کے بعد جب خواتین اور یتیم سڑکوں پر تھے۔

انہوں نے کہا کہ اس وقت سماجی ادارے نہیں تھے، نہ ہی کوئی ایسا انتظام تھا جس کے باعث ان لوگون کا خیال رکھا جاسکے تب اللہ کی جانب سے یتیموں کا خیال رکھنے کا حکم آیا۔

اداکار کا کہنا تھا کہ اللہ نے حکم دیا کہ اگر ان یتیموں کا خیال نہیں رکھ سکتے تو ان کی ماؤں سے شادی کرلو لیکن انصاف کرو کیوں کہ اگر انصاف مشکل ہے تو ایک ہی سے شادی کرو۔

حمزہ علی عباسی کا مزید کہنا تھا کہ اکثر شادی شدہ مرد دوسری شادی کے تصور میں دلچسپی لیتے دکھائی دیتے ہیں لیکن میں  اپنی ایک ہی شادی میں بے حد خوش ہوں۔