کشمیر پریمیئر لیگ کا آفیشل ترانہ "کھیلو آزادی سے" جاری

تفصیلات کے مطابق کشمیر پریمیئر لیگ کے آفیشل ترانے میں ملکی تاریخ میں پہلی بار کسی گانے میں شوبز اور اسپورٹس اسٹارز کی بڑی تعداد ایک ساتھ جلوہ گر ہوئی ہے۔گانے کی ویڈیو میں بوم بوم شاہد آفریدی، وسیم اکرم، سکواش لیجنڈ جہانگیر خان سمیت شوبز کے کئی ستارے بھی جلوہ گر ہوئے۔اس کے ساتھ ہی ترانے میں دکھائی گئی کشمیر پریمیئر لیگ کی ٹی شرٹس پر پاکستان اور آزاد کشمیر دونوں کا جھنڈا بھی موجود ہے۔

آفیشل ویب سائٹ کے مطابق ایونٹ کا آغاز یکم اپریل سے 10 اپریل تک آزاد کشمیر میں ہوگا۔کے پی ایل 6 ٹیموں پر مشتمل ہوگی جن میں راولا ہاکس، کوٹلی پینتھرز، میرپور رائلز، مظفرآباد ٹائیگرز، اوورسیز واریئرز اور باغ اسٹالینز شامل ہیں۔کشمیر پریمیئر لیگ کے میچز راولپنڈی کرکٹ گراؤنڈ، مظفرآباد کرکٹ گراؤنڈ اور میرپور کرکٹ گراؤنڈ میں کھیلے جائیں گے۔