وزیر اعظم کی احسان مانی اور رمیز راجہ سے آج ملاقات ہوگی

ذرائع کے مطابق ملاقات میں وزیراعظم چئیرمین پی سی بی  احسان مانی کو اگلی مدت کیلئے توسیع نہ دینے سے آگاہ کریں گے۔ احسان مانی کی مدت ملازمت کل ختم ہورہی ہے ۔

  ذرائع کا کہنا ہے کہ وزیراعظم کے پرانے ساتھی رمیز راجا پی سی بی چیئرمین شپ کیلئے مضبوط امیدوار ہیں۔وزیراعظم عمران خان کی آج سابق کپتان رمیز راجا سے بھی ملاقات ہوگی جس میں وہ انہیں نیا چیئرمین پی سی بی تعینات کرنے سے متعلق آگاہ کریں گے۔وزیر اعظم کی رمیز راجہ سے ملاقات میں انہیں اگلے 3 سال کیلئے پی سی بی کے معاملات سپرد کرنے پر گفتگو ہوگی۔

یاد رہے کہ وزیراعظم عمران خان نے 20 اگست 2018 کو نجم سیٹھی کی جگہ احسان مانی کو چیئرمین پی سی بی نامزد کیا تھا ۔