بھارت کے افغانستان سے اچھے تعلقات پر اعتراض نہيں: شاہ محمود قریشی

تفصیلات کے مطابق افغانستان کی موجودہ صورتحال پر جاری بیان میں شاہ محمود قریشی نے کہا کہ بھارتی ميڈيا نے ميرے کابل جانے کا واويلا کيا اور غيرذمہ دارانہ گفتگو کی جب کہ بھارتی ميڈيا کو بات کرنے سے پہلے تصديق کرنا چاہيے، غير ذمہ دارانہ گفتگو سے ان کی اپنی ساکھ متاثر ہوتی ہے،  میں کابل نہيں گيا بلکہ پاکستان ميں ہی اہم ميٹنگز اٹينڈکیں۔

وزیرخارجہ  نے کہا کہ کل یورپی یونین کے خارجہ امورکے سربراہ سے گفتگو ہوئی جس میں انہیں کابل میں پاکستان کی معاونت سے آگاہ کیا، میں نے یورپی یونین کے خارجہ امور کے سربراہ کو بتایا  کہ موجودہ صورتحال کے  تباظر میں درپیش چیلنجز کے حوالے سے مشترکہ لائحہ عمل تشکیل دینے کیلئے خطے کے اہم ممالک کے دورے پر روانہ ہو رہا ہوں۔اس کے علاوہ تاجکستان، ازبکستان، ترکمانستان اور ایران  کی قیادت سے مشاورت کروں  گا جب کہ چین کے ساتھ ہماری گفتگو ہوچکی ہے۔

ان  کاکہنا تھا کہ افغانستان کثیر نسلی ملک ہے، وہاں پشتون اوردیگر لوگ بھی ہیں، افغانستان میں جو حکومت سامنے آئے وہ وسیع البنیاد اور اجتماعیت کی حامل ہو۔انہوں نے مزید کہا کہ پاکستان اور خطے کے ہمسایہ ممالک افغانستان میں قیام امن چاہتے ہیں لیکن افغانستان میں امن مخالف قوتیں ’اسپائیلرز‘ آج بھی متحرک ہیں، ہندوستان کو اپنی محدود سوچ ترک کرنا ہوگی۔

وزیر خارجہ نے مزید کہا کہ عالمی برادری کو افغانستان سے تعلقات بحال رکھنے چاہيے، ہم افغانستان ميں خوشحالی اور ترقی چاہتے ہيں،افغان عوام کے بارے ميں سوچنے والوں سے بات کررہے ہيں،،افغان عوام کو يہ تاثر دينا چاہيے کہ ہم اُنہیں بھولے نہيں ۔افغانستان کی ترقی بے حد ضروری ہےاور ہم  دعاگو ہيں کہ افغانستان ترقی کرے۔