وادی پنجشیر پر حملہ کرنے کے لئے سینکڑوں طالبان روانہ

جبکہ وادی پنجشیر طالبان کے محاصرے میں ہے۔ طالبان مخالفین کےگڑھ وادی پنجشیر پر پہلی بار قبضہ حاصل کرنے کیلئے تیار ہیں اور انہوں نے وہاں کا محاصرہ کیا ہوا ہے۔ دوسری جانب ذرائع کا کہنا ہے کہ افغانستان میں طالبان نے مزاحمت کے آخری مرکز وادی پنجشیر کا کنٹرول حاصل کرنے کے لئے سیکڑوں طالبان وادی پنجشیر کی جانب روانہ کردیئے ہیں۔ طالبان نے احمد مسعود کو وادی پنج شیر حوالے کرنے کے لیے چند گھنٹوں کی مہلت دی تھی۔

 شمالی افغانستان کے قومی مزاحمتی محاذ کے رہنما احمد مسعود کا کہنا ہے کہ طالبان نے پنجشیر وادی پر قبضے کی کوشش کی تو اسے مزاحمت کا سامنا کرنا پڑے گا۔ احمد مسعود کا کہنا تھا کہ سویت یونین کا مقابلہ کیا اور طالبان کا مقابلہ کرنے کی بھی صلاحیت رکھتے ہیں، اگر طالبان مذاکرات سے انکار کرتے ہیں تو جنگ ناگزیر ہوگی۔