نون لیگی رہنما مفتاح اسماعیل پارٹی عہدے سے مستعفی

 تفصیلات کے مطابق  پارٹی ذرائع کا کہنا ہے کہ سابق وزیرخزانہ  مفتاح اسماعیل نے جنرل سیکرٹری سندھ  کے عہدے سے  اپنا استعفیٰ پارٹی صدر شہباز شریف کو بھجوایا ہے۔  مفتاح اسماعیل کا کہنا ہے کہ مسلم لیگ ن کراچی کے بعض عہدیداروں اور کارکنوں کے رویے پر استعفیٰ دیا ہے۔

خیال رہے کہ  چند روز قبل مسلم لیگ نون کے کارکنوں نے ٹکٹوں کی تقسیم پر اختلافات پیدا ہوئے تھے اور مفتاح اسماعیل پر  سنگین الزامات لگائے گئے تھےاور   مسلم لیگ ہاؤس میں نازیبا الفاظ استعمال کئے تھے جس کی بنا پر مفتاح اسماعیل  نے استعفیٰ دیا ہے۔ سابق گورنرسندھ  محمد زبیر کی جانب سے بھی مفتاح اسماعیل کے استعفی کی  تصدیق کی گئی ہے ۔