وزیراعظم آج قوم کو 3 سالہ کارکردگی بتائیں گے

تفصیلات کے مطابق وزیر اعظم عمران خان اسلام آباد میں خصوصی تقریب میں اپنی حکومت کی تین سالہ کارکردگی قوم کے سامنے رکھیں گے۔وزیر اعلی پنجاب  عثمان بزدار اور گورنر پنجاب چوہدری محمد سروربھی   آج اسلام آباد جائیں گے۔

 تحریک انصاف نے عوام کو اپنی کارکردگی سے آگاہ کرنے کے لیے وزیراعظم عمران خان کا خطاب عوامی مقامات پر براہِ راست دکھانے کا فیصلہ کیا ہے۔

انصاف یوتھ ونگ کے نوجوان کارکنوں پر مشتمل ٹیمیں ملک بھر میں بڑی اسکرینوں پر وزیراعظم کا خطاب عوام کو دکھانے کے انتظامات کریں گی۔