کابل ائیرپورٹ کے باہر دھماکہ،108 افراد ہلاک متعدد زخمی

غیر ملکی خبر رساں ادارے کے مطابق  کابل ائیرپورٹ کے باہر زور دار  دھماکہ ہوا ہے،دھماکے میں 108افراد ہلاک ہوگئے ہیں  جبکہ 120زخمی ہیں ، پینٹاگون نے کابل ائیرپورٹ کے باہر دھماکے کی تصدیق کردی۔

افغان میڈیا کے مطابق دھماکہ کابل ائیرپورٹ کے ایبی گیٹ کی جانب برطانوی افراد کےزیرِ استعمال ہوٹل  کے قریب ہوا ہے۔

وائٹ ہاوس کا کہنا ہے کہ  امریکی صدرجوبائیڈن کو کابل ائیرپورٹ دھماکےسے متعلق بریفنگ دیدی گئی ہے۔

امریکی حکام نے کہا ہے کہ  دھماکے میں ہلاکتیں ہوئی ہیں،  کابل ائیرپورٹ کے باہر ہونیوالا دھماکہ خودکش ہے، دھماکے میں زخمی ہونیوالوں میں امریکی فوجی اہلکار بھی شامل ہیں ۔

ترک وزارت دفاع کے مطابق  کابل ائیرپورٹ کےباہر دو دھماکے ہوئے ہیں ،ترک یونٹ کو کوئی نقصان نہیں ہوا۔

غیر ملکی میڈیا کے مطابق  کابل ائیرپورٹ کے باہر دھماکے میں بچوں سمیت 40افرادمارےگئے ہیں ، دھماکے میں طالبان گارڈ بھی زخمی ہوئے ہیں ۔ داعش نے کابل ائیرپورٹ کے قریب دھماکے کی ذمہ داری قبول کرلی ہے۔