مشکل جہدوجہد کے بغیر کوئی بھی لیڈر نہیں بن سکتا : وزیر اعظم عمران خان

پاکستان تحریک انصاف (پی ٹی آئی) کی حکومت کے تین سال مکمل ہونے پر اپنی پارٹی کی کارکردگی کے حوالے سے اسلام آباد کے جناح کنونشن سینٹر میں خطاب کرتے ہوئے وزیراعظم عمران خان نے اراکین اسمبلی، پارٹی کے اراکین اور یوتھ ونگ اور آزاد جموں و کشمیر کے نئے وزیراعظم سمیت سب کا شکریہ ادا کیا۔

ان کا کہنا تھا کہ میری اقتدار میں آنے سے قبل 22سالہ جدوجہد بہت سخت تھی، ایسے وقت بھی آئے جب صرف پانچ سے چھ لوگ ساتھ رہ گئے تھے اور باقی لوگ گھروں میں بیٹھ گئے تھے۔

انہوں نے کہا کہ اس برے وقت میں کئی لوگ مذاق اڑاتے تھے، میرے کئی لوگ کہا کرتے تھے کہ ہمارا مذاق اڑایا جاتا ہے کہ تم تحریک انصاف میں ہو۔

وزیراعظم نے کہا کہ مشکل وقت میں رونا دھونا نہیں چاہیے، یہ اللہ کا نظام ہے۔ کرکٹ میں جب مشکل وقت آتا تھا تو پورا تجزیہ کرتا تھا۔ ہم نے مشکل وقت میں غلطیوں سے سیکھنا ہے۔ دنیا میں کوئی بھی لیڈر شارٹ کٹ سے نہیں بنتا۔ ایسے نہیں ہو سکتا کوئی پرچی پکڑ کر لیڈر بن جائے۔ میں قائداعظم کو لیڈر مانتا ہوں جنہوں نے اپنی ذات نہیں بڑے مقصد کے لیے جدوجہد کی۔ دنیا کا کوئی بھی لیڈر کڑی محںت کے ذریعے اوپر آتا ہے۔

عمران خان نے حکومتی کارکردگی کے تین سالوں کو بیان کرتے ہوئے کہا کہ اقتدار میں آئے تو ملک دیوالیہ ہونے کے قریب تھا، ہم مجبوراً آئی ایم ایف کے پاس گئے، ایسا کرنے سے ان کی شرائط کوبھی ماننا پڑتا ہے۔ اس کی شرائط کو پورا کریں تو عوام کو مشکلات کا سامنا کرنا پڑتا ہے۔

عمران خان نے کہا کہ میرے لیے ان مشکل دنوں میں سب سے بڑی تحریک نبی اکرمﷺ تھے، انہوں نے بھی بہت مشکل وقت گزارا، اللہ کے سب سے محبوب تھے لیکن 13سال وہ انتہائی مشکل وقت سے گزرے، انہیں اس مشکل وقت سے گزرنے کی کوئی ضرورت نہیں تھی لیکن جب وہ رائے حق پر آئے تو لوگوں نے ان کا مذاق اڑایا ارو میں ہمیشہ ان کی زندگی سے سیکھتا تھا۔

ان کا کہنا تھا کہ پلوامہ کا واقعہ ہوا۔ پلوامہ واقعے پر میں پاک فوج کا شکر گزار ہوں۔ اللہ کا شکر ہے کہ ہمارے پاس ایسی فوج ہے لیکن اپوزیشن فوج پر تنقید کرتی ہے اور اس کے پیچھے پڑی ہے منتخب حکومت کو گرا دے جبکہ بھارتی لابی چاہتی ہے کہ پاکستان کی افواج کو بدنام کیا جائے۔

عمران خان نے کہا کہ پھر کورونا آ گیا، لوگوں کو اندازہ نہیں ہے ہک یہ ہمارے لیے کس قدر مشکل وقت تھا، مشکل وقت اس لیے تھا کہ ہم سے 30 سے 40 گنا بڑی جی ڈی پی کے حامل یورپی ممالک نے لاک ڈاؤن کردیا اور پھر بھارت میں نریندر مودی نے بھی لاک ڈاؤن لگا دیا کیونکہ یہ درست ہے کہ لاک ڈاؤن سے وبا پھیلتی کم ہے۔

انہوں نے کہا کہ ہمیں اس موقع پر ان لوگوں کا سوچنا تھا جو یومیہ کماتے تھے اور ہماری اپوزیشن جماعتوں نے تنقید شروع کردی جبکہ ہسپتال بھرنے پر ہماری جماعت کے بھی کچھ لوگ گھبرا گئے لیکن ہم نے مشکل فیصلہ کیا کہ چاہے کچھ بھی ہو جائے، ہم پورا لاک ڈاؤن نہیں کریں گے کیونکہ ہمارے غریب بھوکے مر جائیں گے اور میرا ایمان ہے کہ اس کی برکت سے اللہ نے ہمیں بچا لیا۔

وزیراعظم عمران خان نے دوٹوک اعلان کرتے ہوئے کہا ہے کہ اب ہم کسی کیلئےاستعمال نہیں ہوں ‏گے نائن الیون کےبعدپاکستان میں480ڈرون حملےکیےگئے پاکستان نے70سے80ہزارجانوں کی ‏قربانیاں دیں معیشت ہماری تباہ ہوئی،قبائلی علاقےکےلوگوں نےنقل مکانی کی اس کے باوجود ہم ‏پر الزامات لگائے گئے اب فیصلہ کیاہےہم نےکبھی اپنےلوگوں کواس طرح قربان نہیں ہونے دیں ‏گے۔

عمران خان نے مزید کہا کہ افغان دلیرقوم ہے اور دنیا کو چاہیے کہ وہ اس مشکل وقت میں افغانیوں کا ساتھ دیں۔

یاد رہے پاکستان تحریک انصاف کی حکومت 25 جولائی 2018 کو ہونے والے عام انتخابات کے نتیجے میں قائم ہوئی تھی۔

عمران خان نے 18 اگست 2018 کو وزیر اعظم کے عہدے کا حلف اٹھایا تھا۔