چیئرمین پی سی بی کا انتخاب 13 ستمبر کو ہوگا

تفصیلات کے مطابق  پاکستان کرکٹ بورڈ (پی سی بی )  کے الیکشن کمشنر جسٹس ریٹائرڈ شیخ عظمت سعید نے  بورڈ آف گورنرز کا اجلاس 13 ستمبر کو طلب کرلیا  ہے۔پیٹرن ان چیف  وزیراعظم عمران خان نے اسد علی خان اور رمیز راجہ کو آئندہ تین سال کے لئے بی او جی کا رکن نامزد کیا ہے ۔

 بورڈ آف گورنرز ( بی او جی)  کے دیگر پانچ ارکان میں عاصم واجد جواد، عالیہ ظفر، عارف سعید اور جاوید قریشی شامل ہیں۔تمام ارکان بحیثیت آزاد رکن بی او جی کا حصہ ہیں،  چیف ایگزیکٹو پی سی بی وسیم خان بھی بی او جی میں شامل ہیں۔

یاد رہے کہ وزیراعظم عمران خان نے 20 اگست 2018 کو نجم سیٹھی کی جگہ احسان مانی کو چیئرمین پی سی بی نامزد کیا تھا۔چند دن قبل چیئرمین پی سی بی  احسان مانی کی تین سالہ مدت ختم ہو گئی تھی۔