لاہور میں دہشتگردی کا بڑا منصوبہ ناکام

 ترجمان کاؤنٹر ٹیرارزم ڈیپارٹمنٹ (سی ٹی ڈی) کے مطابق لاہور کے علاقے دھرم پورہ میں خفیہ اطلاعات پر  کارروائی کے دوران رضوان ، عبدالقیوم اور محمد عارف نامی 3 مبینہ دہشت گردوں کو گرفتار کیا گیا،  ان کی تحویل سے دیسی ساختہ دھماکہ خیز ڈیوائس (آئی ای ڈی) ، 2 دستی بم ، پسٹل 30 بور اور گولہ بارود برآمد ہوا۔سی ٹی ڈی کے مطابق گرفتار دہشت گردوں کا تعلق کالعدم تنظیم سے ہے جن کا ہدف فرقہ واریت پھیلانا تھا۔دہشت گردوں کے خلاف پی ایس سی ٹی ڈی لاہور میں ایف آئی آر درج کرنے کے بعد تفتیش شروع کر دی گئی ہے۔

رواں ماہ کے آغاز پر بھی سی ٹی ڈی نے لاہور میں دہشت گردی کا منصوبہ ناکام بناتے ہوئے 3 مبینہ دہشت گردوں کو ہلاک کر دیا تھا۔