امریکہ کا افغانستان میں داعش خراسان کے ’منصوبہ ساز‘ پر ڈرون حملہ

تفصیلات کے مطابق امریکی سینٹرل کمانڈ کے ترجمان کا کہنا ہے کہ ڈرون حملہ افغانستان کے صوبہ ننگرہار میں کیا گیا جس میں  داعش خراسان سے تعلق رکھنے والا کابل ایئرپورٹ حملے کا منصوبہ ساز مارا گیا تاہم کسی شہری کا جانی نقصان نہیں ہوا ۔

گزشتہ روز  امریکی صدرجوبائیڈن نے کابل ایئرپورٹ پر خودکش حملے کا ذمہ دار داعش خراسان کو قرار دیتے ہوئے اس کی قیادت پر حملوں کا حکم دیا تھا۔امریکی صدر نے کہا تھا کہ وہ کابل  دھماکوں کے حملہ آوروں کو معاف نہیں کریں گے ، اورانہیں اس کی قیمت چکانا پڑے گی ۔ 

حملے سے قبل امریکا نے اپنے شہریوں کو وارننگ دی تھی کہ وہ کابل ایئر پورٹ کے گیٹس سے فوری چلے جائیں۔

واضح رہے کہ داعش نے جمعرات کو کابل ایئر پورٹ پر مہلک خودکش بم دھماکے کی ذمہ داری قبول کی تھی جس میں 13 امریکی اہلکاروں سمیت 175 افراد ہلاک اور 200 سے زائد زخمی ہوئے تھے۔