پشاور: اسلحے کی بڑی کھیپ پکڑی گئی، ملزمان گرفتار

جی این این  کے مطابق تھانہ چمکنی پولیس نےکارروائی کرتے ہوئے  اسلحہ کی بڑی کھیپ پکڑ لی ، پولیس کے مطابق ملزمان موٹر کار کے ذریعے اسلحہ سمگل کرنے کی کوشش کر رہے تھے،ملزمان کی گاڑی سے 40 ہزار سے زائد کارتوس برآمد کر لیے گئے ۔پولیس حکام کے مطابق کارروائی کےدوران  گاڑی سے تین عدد رائفل اور 9 پستول  سمیت میگزین، دوربین اور دیگر متفرق اشیاء بھی برآمد کر لی گئیں ہیں۔

پولیس نے  ملزمان کے خلاف مقدمہ درج کر کے مختلف زاویوں پر تفتیش شروع کر دی ہے ۔