شردھا کپور کی شادی کے متعلق خبریں محض افواہیں ہیں:شکتی کپور

تفصیلات کے مطابق اداکارہ شردھا کپور کے والد اور سینئر اداکار شکتی کپور کا کہنا ہے کہ ان باتوں میں کوئی صداقت نہیں ہے، روہن یا اس کے اہلخانہ نے ہم سے تاحال شردھا کا ہاتھ نہیں مانگا لیکن اگر مستقبل میں ایسا ہوتا ہے تو مجھے اس رشتے پر کوئی اعتراض نہیں ہوگا، روہن ہمارے گھر کا بچہ ہے، میں اس کے والد کو سالوں سے جانتا ہوں۔

اداکار شکتی کپور کا کہنا ہے کہ آج کل کے بچے سب کچھ خود ہی طے کر لیتے ہیں لیکن مجھے اس بات کی فکر ہے کہ آج کل کس طرح لوگوں کی طلاقیں ہو رہی ہیں۔

خیال رہے کہ اداکارشکتی کپور پہلے بھی اپنی بیٹی کی شادی کے حوالے سے خبروں کی تردید کرچکے ہیں۔