داعش کےخلاف کریک ڈاؤن کیا جائے گا: ترجمان طالبان

تفصیلات کے مطابق طالبان کے ترجمان کا کہنا ہے کہ امید ہے داعش افغانستان میں اسلامی حکومت بننے کے بعد حملے روک دے گی ،اگر انہوں نے جنگ کی یا  کارروائیاں جاری رکھیں تو ان سے نمٹ لیں گے۔

ذبیح اللہ مجاہد کا کہنا ہے کہ امریکا کو ڈرون حملوں کی اجازت نہیں، انہیں ہماری آزادی کا احترام کرنا چاہئے، جب تک ایک بھی امریکی فوجی کابل میں موجود ہے  حکومت کا اعلان نہیں کریں گے۔

 ان کا مزید کہنا ہے کہ حکومت کا اعلان اہم لیکن اس کے لیے بہت صبر درکار ہے، حکومت سازی پر مشاورت جاری ہے لیکن کچھ تکنیکی مسائل ہیں۔