منڈی بہاؤالدین :نامعلوم افراد کی فائرنگ سے نوجوان جاں  بحق

پولیس ذرائع کے مطا بق افسوس ناک واقعہ پنجاب کے ضلع منڈی بہاؤ الدین میں پیش آیا جہاں  نامعلوم افراد کی فائرنگ ایک نوجوان کی جان لے گئی جبکہ دوسرا شدید زخمی ہوگیا۔،پولیس کے مطابق موقع پر جمع افراد مدد کرنے کے بجائے زخمی اور لاش کی ویڈیو بناتے رہے ، زخمی نوجوان نے خود فون کرکے کسی کو واقعہ کی اطلاع کی۔ لاش اور زخمی کو اسپتال منتقل کردیا گیا ۔

پولیس کا کہنا ہے کہ مقتول کی شناخت راجہ علی عرف بلو کے نام سے ہوئی ہے ، مقتول چند روز قبل ہی چوری کے مقدمے میں ضمانت پر رہا ہوا تھا۔ منڈی بہاؤالدین پولیس  کی جانب سے  واقعے کی تفتیش  جاری ہے ۔