پی کے 63 ضمنی الیکشن میں مسلم لیگ ن کے امیدوار کو سپورٹ کرنے پر صوبائی وزیر فارغ

تفصیلات کے مطابق  پارٹی قواعد اور ڈسپلن کی خلاف ورزی  اور  پی کے 63 الیکشن میں مسلم لیگ ن کے امیدوار کو سپورٹ کرنے پر صوبائی وزیر لیاقت خٹک فارغ کردیا گیا۔

 نوشہرہ ضمنی انتخابات میں پارٹی ڈسپلن کی خلاف ورزی پر کارروائی کی گئی۔ لیاقت خٹک  پرویز خٹک کے بھائی ہیں۔صوبائی حکومت نے اس سلسلے میں باقاعدہ اعلامیہ جاری کر دیا۔

کامران بنگش کا کہنا ہے کہ  وزیر اعظم کی ہدایت پر وزیر اعلیٰ نے لیاقت خٹک کے خلاف ایکشن لیا  ہے ، لیاقت خٹک کو ضمنی الیکشن نوشہرہ میں مسلم لیگ ن کو سپورٹ کرنے پر عہدے سے ہٹایا گیا ہے۔