وزیراعلیٰ بلوچستان کے خلاف تحریک عدم اعتماد کا معاملہ چیئرمین سینیٹ کوئٹہ پہنچ گئے 

 تفصیلات کے مطابق وزیراعلیٰ بلوچستان کے خلاف تحریک عدم اعتماد کے معاملے پر صادق سنجرانی متحرک ہوگئے ہیں چیئرمین سینیٹ نےاس معاملے پر بلوچستان عوامی پارٹی کےسینئر رہنماؤں  سے ملاقات کی ہے۔

چیئرمین سینیٹ نےخالد مگسی، منظور کاکڑ، سرفرازبگٹی، عبدالقادر، نصیب اللہ بازئی سمیت دیگر رہنماؤں سے ملاقات کی ہے جس میں وزیراعلیٰ بلوچستان کے خلاف تحریک عدم اعتماد پر مشاورت کی گئی ہے۔ 

ذرائع کے مطابق چیئرمین سینیٹ صادق سنجرانی نےناراض ارکان سے ذاتی حیثیت میں ملنے کا فیصلہ بھی کیا ہے۔