ایمی ایوارڈزکا میلہ برطانوی   سیریز"دی  کراؤن "   نے لوٹ  لیا

غیر ملکی خبر رساں ادارے کے مطابق73ویں ایمی ایوارڈ ز  کی رنگارنگ تقریب لاس اینجلس    میں ہوئی ۔جس   کا میلہ برطانوی شاہی خاندان کے حالات پر مبنی ڈرامہ  سیریز دی  کراؤن  نے لوٹ  لیا ہے۔بہترین ہدایت کار ،اداکار ،اداکار ہ کا ایوارڈ   سمیت سات ایوارڈ  فلم "دی  کراؤن " نے اپنے نام کئے۔

لمیٹڈ ٹی وی سیریز     میں اداکار  ہ کیٹ   ونسلیٹ       نے بہترین اداکارہ کا ایوارڈ حاصل کیا۔ ایمی ایوارڈز       میں  لمیٹڈ سیریز      کی کیٹگری     میں  بہترین اداکار  ایون میک گریگر  بہترین اداکار قرارپائے ۔ ایمی ایوارڈ کے ریڈ کارپٹ پر فنکاروں کے جلوے بھی بکھیرکے تقریب کو چار چاند لگادیئے۔

خیال رہے کہ  ایمی ایوارڈز ہر سال امریکا میں ٹیلی ویژن پر پیش کیے گئے نمایاں پروگرامز کو دیا جاتا ہے۔ یہ ایوارڈز امریکا کی اکیڈمی آف ٹیلی وژن آرٹس اینڈ سائنسز کی جانب سے دیے جاتے ہیں۔ ان ایوارڈز کا آغاز 25 جنوری 1949 کو ہوا تھا۔