کراچی کے مصوروں کا پاکستانی کوہ پیما محمد علی سدپارہ کو خراج عقیدت

تفصیلات کے مطابق  کراچی کے مصوروں نے پاکستانی کوہ پیما محمد علی سدپارہ کو خراج عقیدت پیش کرنے کے لیے منفرد اقدام،  قوم کے سپوت کو سلام پیش کرنے کے لیے مصوروں نے حسن اسکوائر کی ایک دیوار پر ٹرک آرٹ اور فائن آرٹ کے فیوژن سے منفرد شاہکار تخلیق کردیا۔

رنگوں سے مزین یہ دلکش تصویر محمد علی سدپارہ کا پہاڑوں سے عشق نمایاں کررہی ہے۔تصویر بنانے والے مصور نے آرٹ کے ذریعے قوم کے ہیرو سے محبت کا اظہار کیا۔کراچی کے مصوروں نے یہ کام  کے ایم سی کی اجازت اور بغیر کسی مدد کے سرانجام دیا ہے۔

واضح رہے کہ   پاکستانی کوہ پیما محمد علی سدپارہ اور ان کے غیر ملکی ساتھی  5  فروری کو "کےٹو " سر کرنے کی کوشش میں لاپتہ ہوگئے تھے،جس کے بعد ریسکیو آپریشن کیا گیا  لیکن کامیابی نہ مل سکی اور 18 فروری  کو  حکومت نے باضابطہ طور پر اعلان کیا  تھا کہ پاکستان کے مشہور کوہ پیما علی سدپارہ اور ان کی ٹیم اب زندہ نہیں ہے۔