واٹس ایپ کا نئی پرائیویسی پالیسی سے متعلق اہم بیان آگیا

تفصیلات کے مطابق سماجی رابطے کی ویب سائٹ پر ایک بلاگ میں انکشاف کیا گیا ہے کہ صارفین 15 مئی تک پرائیویسی پالیسی پر نظر ثانی کر سکتے ہیں۔واٹس ایپ نئی پرائیویسی پالیسی پر نظر ثانی کا موقع دے گی  جس کے بعد  صارفین اپنی مرضی اور اپنے ٹائم فریم کے تحت پالیسی کا جائزہ لے سکیں گے۔واٹس ایپ صارفین کو یاد دہانی کیلئے اور شرائط کی وضاحت کیلئے  ایک بینر بھی ایپ پر نظر آتا رہے گا۔ 

بلاگ  میں کہا گیا ہے کہ   واٹس ایپ نے پرائیویسی سے متعلق یہ وضاحت ایک ای میل کے جواب میں دی ہے جس میں ان کا کہنا تھا کہ  صارفین کو  یہ سہولت 15 مئی تک دستیاب رہے گی۔15 مئی کے بعد شرائط تسلیم نہ کرنے والے ایپ پر آنے والے میسیجز نہیں پڑھ سکیں گے لیکن  انہیں نوٹی فکیشن اور اور کالز موصول کرنے کی سہولت موجود رہے گی۔

واٹس ایپ انتظامیہ نے تصدیق کرتے ہوئے کہا ہے کہ  صارفین کو 15 مئی کے بعد بھی نئی پالیسی یا اپ ڈیٹس کو قبول کرنے کی سہولت دی جائے گی اور قبول کرنے کی صورت میں  ان کے میسیجز بحال کردیئے جائیں گے۔

گزشتہ ماہ  واٹس ایپ نے نئی پرائیویسی پالیسی قبول کرنے کے لیے نوٹی فکیشن 8 فروری 2021 تک نافذ کرنے کا اعلان کرتے ہوئے کہا تھا کہ  صارفین کو لازمی شرائط قبول کرنا ہوں گے ورنہ ان کے اکاؤنٹس ڈیلیٹ کردیئے جائیں گے۔