اسلام آباد میں بچوں پر جسمانی تشدد کی ممانعت کا بل قومی اسبملی سے منظور

تفصیلات کے مطابق  بچوں پر جسمانی تشدد کی ممانعت کا بل قومی اسمبلی سے منظور ہوگیا،بل کا اطلاق وفاقی دارالحکومت اسلام آباد کی حد تک ہو گا۔

بل کے مطابق  کام کرنے کی جگہ، تعلیمی اداروں میں بچوں پر جسمانی تشدد کی ممانعت ہو گی، سرکاری و غیر سرکاری، تعلیمی اداروں، مدارس، ٹیوشن سنٹرز میں بچوں پر تشدد کی ممانعت ہے،بچے کے خلاف کسی قسم کی تادیبی کاروائی میں جسمانی تشدد شامل نہیں ہو گا۔

 بل میں کہا گیا ہے کہ   بچوں پر تشدد کے مرتکب افراد کو نوکری سے فارغ کرنے کی انتہائی سزا دی جا سکتی ہے، جبری ریٹائرمنٹ، تنزلی، تنخواہ میں کٹوتی کی سزا بھی دی جا سکے گی،جسمانی تشدد کے خلاف شکایات کے لیے وفاقی حکومت طریقہ کار وضع کرے گی، نجی تعلیمی اداروں میں بل پر عمل کے لیے حکومت طریقہ کار وضع کرے۔