شمالی وزیرستان میں سیکیورٹی فورسز کا آپریشن،دہشت گرد کمانڈر ہلاک

پاک فوج کے شعبہ تعلقات عامہ آئی ایس پی آرکے مطابق سیکیورٹی فورسز نے شمالی وزیرستان میں دہشتگردوں کے خلاف کامیاب آپریشن کیا اور آپریشن دہشتگردوں کی میرعلی میں موجودگی کی خفیہ اطلاع پر کیا گیا، فائرنگ کے تبادلے میں دہشت گرد کمانڈر حسن عرف سجناہلاک ہو گیا ،دہشت گرد کمانڈرکا تعلق کالعدم حافظ گل بہادر گروپ سے ہے۔

آئی ایس پی آر نے مزید کہا کہ دہشت گرد گزشتہ روز 4خواتین کارکنوں کے قتل میں ملوث تھا جبکہ  دہشتگرد دیسی ساختہ بارودی سرنگ کے حملوں، اغواء برائے تاوان، بھتہ خوری میں بھی ملوث تھا۔