فافن کی شفاف انتخابات کی راہ میں حائل سرکاری افسران کو سخت سزائیں دینے کی تجویز

تفصیلات کے مطابق  فری اینڈفیئرالیکشن نیٹ ورک کی 8 حلقوں میں ضمنی انتخابات پررپورٹ جاری کردی گئی،فافن نے شفاف انتخابات کی راہ میں حائل سرکاری افسران کوجرمانےاورسخت سزائیں دینے کی تجویز دے دی۔

فافن رپورٹ میں کہا گیا ہے کہ   این اے75ضمنی الیکشن میں ووٹوں کی گنتی کےدوران بےضابطگیاں دیکھنےمیں آئیں، بےضابطگیوں کےباعث الیکشن کمیشن کو این اے 75ضمنی الیکشن کانتیجہ روکناپڑا، این اے75میں پولنگ اسٹیشنزکےباہرالیکشن کمیشن کوانتظامی امورمیں بہتری کی ضرورت ہے، تاخیرسےنتائج موصول ہونےوالےحلقوں میں الیکشن کمیشن دوبارہ انتخابات کراسکتا ہے۔

فافن رپورٹ میں کہا گیا ہے کہ  کوروناایس او پیز کی خلاف ورزی،غیرقانونی الیکشن مہم عمومی خلاف ورزیاں سامنے آئیں، قومی اسمبلی کی 3اورصوبائی اسمبلی کی 5نشستوں پرضمنی انتخابات کرائےگئے، 71فیصدپولنگ اسٹیشنزکےقریب پارٹی کیمپس کی اجازت کوڈآف کنڈکٹ کی خلاف ورزی ہے، انتخابات کےدوران ایک کمرے میں متعددپولنگ بوتھ قائم کیےگئےجس سےغیرضروری رش ہوا،8 حلقوں میں ووٹوں کی گنتی کےعمل کےدوران خلاف ورزی دیکھنےمیں نہیں آئی۔