امریکہ میں مسیحی برادری نے مسجد کی تعمیر نو کیلئے ہزاروں ڈالر جمع کرلیے

تفصیلات کے مطابق  امریکی ریاست ٹیکساس میں مسیحی برادری نے انسانیت کی نئی  مثال قائم کردی۔ٹیکساس کے شہر ڈینٹن میں مسجد کی تعمیر نو کیلئے مسیحی برادری مسلمانوں کیساتھ کندھے سے کندھا ملا کر کھڑی ہوگئی۔مقامی گرجا گھر سے شروع ہونیوالی" گو فَنڈ  مِی"  مہم  کے ذریعے50ہزار ڈالر جمع کرلیےگئے۔ اس مہم  کو چھ روز قبل شروع کیاگیاتھا۔جس میں مسیحی برادری  نے بڑھ چڑھ کر حصہ لیا۔

واضح رہے کہ ڈینٹن کی اس مسجد کو امریکا میں آنیوالے برفانی طوفان میں شدید نقصان پہنچا تھا اور اس کی مرمت کیلئے ہزاروں ڈالر درکارتھے۔