ٹرک اورموٹرسائیکل میں تصادم ،دوبچیاں جاں بحق

جی این این کے مطابق انتہائی  افسوسناک واقعہ سندھ کے ضلع  شکار پور میں  اناج منڈی کے قریب پیش آیا، جہاں ٹرک نے موٹر سائیکل سواروں کو کچل دیا ، ایک ہی خاندان کے چار افراد خوفناک حادثے کا شکار ہوگئے ۔

 واقعے میں دو  بچیاں جان کی بازی ہارگئیں جبکہ ان کے والدین کی حالت تشویش ناک ہے ۔  زخمی والدین کو طبی امداد کے بعدسکھر منتقل  کردیا گیا ہے جبکہ پولیس نے ٹرک ڈائیور کو گرفتار کرکے مزید تفتیش کا آغاز کردیا ہے ۔حادثہ تیزرفتاری کے باعث پیش آیا ۔