فیصل قریشی کی گاڑی کو دبئی میں حادثہ

دبئی : معروف پاکستانی اداکار و میزبان فیصل قریشی کی گاڑی کو دبئی میں خطرناک حادثہ پیش آیا۔

فیصل قریشی اِن دنوں پیسا ایوارڈ کی تقریب میں شرکت کیلئے دبئی میں موجود ہیں جہاں گزشتہ روز ان کی گاڑی حادثے کا شکار ہوئی۔

اداکار کی جانب سے انسٹاگرام پر اسٹوری پوسٹ کی گئی جس میں انہوں نے بتایا کہ وہ ٹیکسی میں کہیں جارہے تھے جب یہ حادثہ پیش آیا تاہم فیصل قریشی اس میں محفوظ رہے البتہ ان کی گاڑی کو شدید نقصان پہنچا۔

فیصل قریشی کی ویڈیو سوشل میڈیا پر وائرل ہوتے ہی مداحوں نے اداکار کی خیریت دریافت کی۔