سیدہ طوبیٰ عامر نے اپنانام تبدیل کردیا 

تفصیلات کے مطابق سیدہ طوبیٰ عامر نے فوٹو اینڈ ویڈیو شیئرنگ ایپ انسٹاگرام پر اپنا پروفائل نام ’سیدہ طوبیٰ عامر‘ سے تبدیل کرکے ’سیدہ طوبیٰ انور‘ کردیا ہے۔ انہوں نے  اپنے نام کے ساتھ شوہر کا نام ہٹا کر والد کا نام لکھ دیا ہے۔

دوسری جانب اگر سیدہ طوبیٰ کے انسٹاگرام اکاؤنٹ کا جائزہ لیا جائے تو اُنہوں نے اپنے شوہر ڈاکٹر عامر لیاقت کو فالو نہیں کیا ہوا ہے اور نہ ہی اُن کے شوہر نے اُنہیں فالو کیا ہوا ہے۔ طوبی کے انسٹا گرام اکاؤنٹ پر ان کے شوہر کے ساتھ بھی کوئی تصویر موجود نہیں ہے جس نے صارفین کو حیرت میں ڈال دیا ہے ۔

گزشتہ دنوں سوشل میڈیا پر یہ خبریں سامنے آئی تھیں کہ ڈاکٹر  عامر لیاقت حسین اور سیدہ طوبیٰ کے درمیان علیحدگی ہوگئی ہے جس  پر ردّعمل دیتے ہوئے عامر لیاقت حسین نے اس خبر کی تردید کی تھی جبکہ سیدہ طوبیٰ خاموش ہی رہی تھیں۔

خیال رہے کہ  گزشتہ سال ہی سیدہ طوبیٰ عامر نے  اداکاری کی دُنیا میں قدم رکھا ہے ۔

واضح رہے کہ ڈاکٹر عامر لیاقت حسین کی سیدہ طوبیٰ عامر کے ساتھ دوسری شادی ہے، اُن کی سابقہ اہلیہ بُشریٰ عامر تھیں جن سے اُن کے دو بچے ہیں ، ایک بیٹا اور ایک بیٹی، دونوں بچے اپنی والدہ کے ساتھ ہی رہتے ہیں۔