فردین خان کی طویل عرصے بعد بالی ووڈ میں واپسی

بھارتی میڈیا کے مطابق بالی ووڈ ہدایتکار انیس بزمی نے ایک انٹرویو میں بتایا کہ فردین خان کی حالیہ تصویریں انتہائی حیران کن ہیں جسے دیکھ کر انہیں فلم ’نو انٹری‘ کے سیکیول میں کاسٹ کرنے کا اردہ کیا ہے کہ تاہم صرف بونی کپور کا انتظار ہے۔بالی ووڈ ہدایتکار نے مزید کہا کہ ’نو انٹری‘ کے سیکیول میں فردین خان کو ہی کاسٹ کروں۔

واضح رہے کہ فردین خان نے 2010 میں اپنی آخری فلم میں کام کیا تھا اور اُس کے بعد وہ موٹاپے کا شکار ہوگئے تھے لیکن گزشتہ دنوں فردین خان کی نئی تصویریں سوشل میڈیا پر وائرل ہوئی تھیں جن میں وہ کافی ’سلم اور اسمارٹ‘ نظر آرہے تھے۔

فردین خان کی ان تصویروں نے سوشل میڈیا پر ایک تہلکہ مچا دیا تھا اور اس کے بعد اُنہوں نے اپنے انٹرویو کے دوران بتایا تھا کہ انہوں نے اپنا تقریباً 18 کلو وزن کم کر لیا ہے۔ جس کے لیے انھوں نے حفظان صحت کے اصولوں کے عین مطابق اور ہلکی خوراک لی ہے۔