غیرشرعی نکاح کیس میں بانی پی ٹی آئی اور بشریٰ بی بی کوآج بھی ریلیف نہ مل سکا، سماعت 24 اپریل تک ملتوی کر دی گئی

ڈسٹرکٹ اینڈ سیشن کورٹس اسلام آباد سیشن جج شاہ رخ ارجمند نےغیر شرعی نکاح کیس میں سزا کے خلاف بانی پی ٹی آئی اور بشری بی بی کی اپیلوں پر سماعت کی، کیس کی سماعت کی ،پی ٹی آئی وکلا سلمان اکرم راجا، عثمان گِل، نعیم پنجوتھااورنیاز اللہ نیازی عدالت میں پیش ہوئے۔

خاورمانیکاکےمعاون وکیل نےعدالت کو بتایا کہ رضوان عباسی سپریم کورٹ میں مصروف ہے، کیس میں وفقہ کیا جائے، وکیل رضوان عباسی کی عدم پیشی کے باعث کیس ساڑھے گیارہ بجے تک ملتوی کر دیا گیا تھا۔جج شارخ ارجمند نے ریمارکس دئیے کہ عدالت نےگزشتہ سماعت پر وارننگ دی تھی ،اگر آج پیش نہ ہوسکے تو فیصلہ کرونگا۔ 

وقفے کے بعد بانی پی ٹی آئی کے وکیل سلمان اکرم راجا، بشریٰ بی بی کے وکیل عثمان گِل ، نئے تعینات پراسیکیوٹر عدنان علی عدالت پیش ہوئےجبکہ خاور مانیکا کے وکیل رضوان عباسی عدالت پیش نہ ہوئےرضوان عباسی کے معاون وکیل عدالت پیش ہوئے۔معاون وکیل نےعدالت کو بتایا کے رضوان عباسی سپریم کورٹ مصروف ہیں، ایک بجے پیش ہوں گے۔سیشن جج شاہ رخ ارجمند نےریمارکس دئیےکہ معلوم ہے نا اگر رضوان عباسی پیش نہ ہوئے تو فیصلہ کردوں گا۔

بانی پی ٹی آئی کےوکیل سلمان اکرم راجا نے کہا کہ عید گزر گئی، سپریم کورٹ میں ہمارے بھی کیسز ہوتے ہیں۔
سیشن جج شاہ رخ ارجمند نےکہاکہ ایک بجے تک انتظار کرلیتے ہیں، عدالتی اوقات میں نہیں آتے تو فیصلہ کرلوں گا، تقریباً ایک گھنٹہ ہی رہ گیا ہے، انتظار کرلیتے ہیں۔عدالت نے عدت میں نکاح کیس میں دائر اپیلوں پر سماعت میں ایک بجے تک وقفہ کردیا۔ دوران عدت نکاح کیس خاور مانیکا کے وکیل راجہ رضوان عباسی سیشن کورٹ میں پیش ہوگئے۔

خاور مانیکا کے وکیل رضوان عباسی نے اپنے دلائل دئیےوکیل رضوان عباسی نےکہا کہ سابق شوہر خاور مانیکا کی درخواست پر بانی پی ٹی آئی اور انکی اہلیہ کے خلاف مقدمہ درج کرلیا گیا تھا، خاور مانیکا کی شکایت پر 496 اور 496 بی کی دفعات شامل کی گئی تھی، ٹرائل کورٹ نے 496 بی کی دفعہ کو حذف کرکے 496 کے تحت سزا سنائی تھی،ملزمان کے خلاف 496 کے تحت چارج کیا گیا تھا، دونوں ملزمان نے فرد جرم عائد ہونے پر صحت جرم سے انکار کیا تھا۔

خاور مانیکا کے وکیل رضوان عباسی نےٹرائل کا فیصلہ عدالت کے سامنے پڑھا اور کہا کہ میں اپنے دلائل کا آغاز کرونگا مگر یہ دلائل آج مکمل نہیں ہوسکتے۔
رضوان عباسی نےدلائل کے لیے مئی کے پہلے ہفتے تک سماعت ملتوی کرنے کی استدعا کر دی۔سلمان اکرم راجہ کا سماعت ملتوی کرنے کی مخالفت کر دی۔جج شارخ ارجمند کا رضوان عباسی کو ہدایت کی کہ ابھی آپ دلائل شروع کریں

وکیل رضوان عباسی کےدلائل عمران خان اور بشریٰ بی بی کے وکلاء شواہد کو جھٹلا نہیں سکتے، بانی پی ٹی آئی، بشریٰ بی بی کی شادی فراڈ تھی جو ثابت ہوئی،خاورمانیکا کو عدت میں رجوع کرنے کے حق سے محروم رکھا گیا، خاورمانیکا کے بچوں سے بھی حقوق چھین لیے گئے،بانی پی ٹی آئی، بشریٰ بی بی کی تو آپس میں شادی ہی غیر قانونی ہے، دورانِ عدت شادی کی تو کوئی اہمیت ہی نہیں، یکم جنوری 2018 کو ہونے والے نکاح کو ثابت کیاکہ شادی غیر قانونی تھی۔

وکیل رضوان عباسی کی ایک بر پھر سماعت ملتوی کرنے کی استدعا ۔وکیل سلمان اکرم راجانےکہاکہ کل آجائیں کوئی بات نہیں ۔جج شاہ رخ ارجمندنےاستفسارکیاکہ آپ اور کتنا وقت لینگے ۔وکیل رضوان عباسی نےکہاکہ مجھے چار سے پانچ گھنٹے لگیں گے۔سلمان اکرام راجانےکہاجیل میں بارہ بارہ گھنٹے ہم کھڑے رہتے تھے ،اس وقت یہ کہتے تھے عدالت بیٹھی ہے رات گیارہ بجے تک سماعتیں چلتی رہی ہیں ،اگر کوئی وکیل کہے سو گھنٹے چاہییں تو یہ نہیں ہو سکتا ہے ۔

وکیل رضوان عباسی نےکہاعدالت یکم مئی یا دو مئی رکھ لیں ،اسلامی قانون کے مطابق عدت کی مدت 90 دن ہوتی ہے، عون چودھری نکاح کے گواہ تھے جنہوں نے فروری 2018 میں ہوئے نکاح کی تصدیق کی۔ رضوان عباسی کے دلائل پر سلمان اکرم راجا برہم ہوگئے اور کہا کہ ٹرائل کورٹ میں بھی یہی دلائل دیے تھے۔

سیشن جج شاہ رخ ارجمند استفسارکیا آپ کو کتنا وقت چاہیے دلائل مکمل کرنے میں ؟ جس پر وکیل رضوان عباسی نےکہا مجھے چار سے پانچ گھنٹے لگےگے۔
سلمان اکرم راجانےکہا انہوں نے کیا پہلے دلائل نہیں دیے؟

سلمان اکرم راجانےکہا مئی کیوں؟ کل تک سماعت ملتوی کریں، دلائل دوہرا رہےہیں، کیس میں رہ کیا گیا ہے؟ گائناکالوجی پر انسائکلوپیڈیا کھولا ہواہے۔

وکیل رضوان عباسی مجھے ابھی شواہد پڑھنے ہیں۔

سلمان اکرم ر اجانےکہا تین گواہ ہیں، کوئی وقت نہیں لگےگا، ڈھائی صفحات سے زیادہ بیان نہیں۔دو بار تاخیر پیدا کی، کامیاب ہوئے، اب نہیں ہونے دیں گے۔

وکیل رضوان عباسی نےکہا میرے کیسز رکے ہوئے ہیں، ٹرائل کیسز ہیں۔جس پرسلمان اکرم راجانےکہا آپ نہ میں، کوئی فارغ نہیں، ہمارے بھی سپریم کورٹ ہائیکورٹ میں کیسز ہیں،دو دنوں میں ڈھائی ڈھائی گھنٹہ سماعت کرتے ہیں، ختم کرتے ہیں، وکیل رضوان عباسی کا مقصد تاخیری حربے استعمال کرنا ہے، گزشتہ دو سماعتوں پر نہیں آئے، آج کہہ رہے دو ہفتے مزید ملتوی کردیں۔

وکیل رضوان عباسی نےکہا دوران عدت نکاح کو عام کیس سمجھا جائے۔سلمان اکرم راجا نےکہا یہ عام کیس ہے؟ ٹرائل جتنا تیزی سے چلا ہے وہ عام ہے؟  دو دن سول جج صبح اڈیالہ جیل داخل ہوئے اور رات کو نکلے، سسٹم کو استعمال کیاگیا، مزید استعمال نہ ہونے دیاجائے، کل نہیں تو پرسوں تک سماعت ملتوی کردیں۔
سیشن جج شاہ رخ ارجمندنےکہاکہ آئندہ ہفتے تک سماعت ملتوی کردیتےہیں، وکیل عثمان گل نےکہاہائیکورٹ کے فیصلے کے مطابق سماعت کل تک ملتوی ہونی چاہیے۔

جج شاہ رخ ارجمند نے رضوان عباسی سے استفسار کیا کہ کیا 25 اپریل تک کر دیں ملتوی؟ جس پر وکیل نے جواب دیا کہ ٹھیک ہے، 25 اپریل تک سماعت ملتوی کر دیں۔

اس پر سلمان اکرم راجا نے کہا کہ یہ کیا بات ہوئی؟ 15 دن سماعت ملتوی کے مانگے، آپ نے 10 دن سماعت آگے کر دی۔

جج شاہ رخ ارجمند نے ریمارکس دیئے کہ کوشش کریں رات گئے تک آپ اپنے دلائل مکمل کریں۔

پی ٹی آئی کے وکیل نعیم پنجوتھا کا کہنا تھا کہ ہم رات گئے تک اعلیٰ عدلیہ میں تو دلائل دیتے رہے ہیں، آج کیوں نہیں کر سکتے؟ وکیل رضوان عباسی آج ہی رات گئے تک دلائل مکمل کریں۔

وکیل عثمان گِل نے استدعا کی کہ ابھی تو عدالتی اوقات ختم ہونے میں وقت ہے، دلائل سنے جائیں۔

بعد ازاں رضوان عباسی سیشن عدالت سے واپس روانہ ہوگئے، اس پر سلمان اکرم راجا نے کہا کہ ابھی تو تاریخ نہیں دی، رضوان عباسی بھاگ کیسے گئے؟ کیا ہو رہا ہے یہ، قانون کو نافذ کریں، بغیر اجازت عدالت سے چلے گئے ہیں، رضوان عباسی بھاگ گئے، ان پر تو توہین عدالت کی کارروائی ہونی چاہیے، رضوان عباسی کو اتنا اعتماد ہے کہ ان کی استدعا منظور کر لی جائے گی؟

سلمان اکرم راجا کا کہنا تھا کہ وہ ساتھ کمرے میں بیٹھے ہوئے تھے اور عدالت پیش نہیں ہوئے، ہم رضوان عباسی کے رویے پر بہت ہی زیادہ رنجیدہ ہیں۔

وکیل بانی پی ٹی آئی نے عدالت سے استدعا کی کہ رضوان عباسی کو کامیاب نہ ہونے دیں۔

اس موقع پر جج شاہ رخ ارجمند نے ریمارکس دیئے کہ رضوان عباسی مئی تک سماعت ملتوی کرنے کی استدعا کر رہے تھے، سلمان اکرم راجا نے کہا کہ وہ تو جون بھی کہہ سکتے ہیں، کسی بھی دن اسی ہفتے کی رکھ لیں۔

جج کا کہنا تھا کہ چھٹیوں کی وجہ سے کیسز لگے ہوئے، سیشن عدالت کا پورا ہفتہ مصروف ہے۔

بعد ازاں عدالت نے کیس کی سماعت 24 اپریل تک ملتوی کر دی۔
 

ملک میں رجسٹرڈ ووٹرز کی تعداد 13کروڑ 1لاکھ 36 ہزار311 تک پہنچ گئی، الیکشن کمیشن نے ملک کے ووٹرز کا نیا ڈیٹا جاری کر دیا۔

ترجمان الیکشن کمیشن کے مطابق ملک میں مرد ووٹرز کی تعداد 7 کروڑ 43 ہزار 472 ہو گئی جبکہ خواتین ووٹرز کی تعداد 6 کروڑ 92 ہزار 839 ہو گئی۔ عام انتخابات میں ووٹرز کی تعداد 12 کروڑ 85 لاکھ 85 ہزار 760 تھی۔

ملک بھر میں 18سے35سال کے رجسٹرڈ ووٹرز کی تعداد 5 کروڑ 81 لاکھ 28 ہزار 145 ہے۔ ملک میں 36 سے 45 سال کے ووٹرز 2 کروڑ 88 لاکھ 34 ہزار 294 ہے۔

الیکشن کمیشن کےمطابق آبادی کے لحاظ سے سب سے بڑے صوبے پنجاب میں ووٹرز کی تعداد 7 کروڑ 40 لاکھ 93 ہزار 290 ہے جب کہ  سندھ میں ووٹرز کی تعداد 2 کروڑ 73 لاکھ 25 ہزار 971 ہے جب کہ خیبر پختونخوا میں یہ تعداد 2 کروڑ 21 لاکھ 83 ہزار168 ہوگئی ہے۔

اس کے علاوہ رقبے کے لحاظ سے پاکستان کے سب سے بڑے صوبے بلوچستان میں ووٹرز کی کل تعداد 54 لاکھ 39 ہزار 666 ہے اور وفاقی دارالحکومت اسلام آباد میں ووٹرز کی تعداد 10 لاکھ 94 ہزار 216 ہے۔ 

عیدالفطر پر 6لاکھ سے زائد سیاحوں نے خیبر پختونخوا کےسیاحتی مقامات کارخ کیا۔

محکمہ سیاحت اور خیبرپختونخوا ٹورازم اتھارٹی کی رپورٹ کے مطابق پانچ دنوں میں 5لاکھ 83 ہزار سے زائد سیاحوں نے سیاحتی مقامات کا رخ کیا، سب سے زیادہ 2 لاکھ 37 ہزار سے زائد سیاح گلیات آئے۔

مالم جبہ میں 1لاکھ 51ہزار900، وادی کمراٹ میں 92ہزار، ناران کاغان میں 77ہزار سے زائد سیاح سیروتفریح کیلئے آئے جبکہ وادی چترال میں 24 ہزار سے زیادہ سیاح لطف اندوز ہوئے۔

ترجمان ٹورازم اتھارٹی محمد سعد کا کہنا ہے کہ عید کی تعطیلات کے دوران ٹورازم ہیلپ لائن 1422 چوبیس گھنٹے فعال رہی۔محکمہ سیاحت کے زیر انتظام تمام اتھارٹیز نے سیاحوں کو ہر ممکن سہولیات فراہم کیں۔خیبرپختونخوا ٹورازم اتھارٹی کی ٹورازم پولیس نے بھی سیاحتی مقامات پر ڈیوٹی سرانجام دی۔