چٹاگانگ ٹیسٹ : عابد علی اورعبداللہ شفیق نے دونوں اننگز میں سنچری شراکت بناکرریکارڈ قائم کردیا

تفصیلات کے مطابق بنگلادیش کے خلاف پاکستانی کھلاڑیوں کی شاندار کارکردگی، بلے بازوں اور باؤلرز کی جوڑی نے پاکستان کو اہم فتح دلائی۔

بیٹنگ میں عابد علی اور ڈیبیو کرنے والے نوجوان بلے باز عبداللہ شفیق نے دونوں ہی اننگز میں سنچری شراکت قائم کی، اس سے پہلے توفیق عمر اور عمران فرحت یہ کارنامہ سرانجام دینے والی واحد پاکستانی جوڑی تھی۔عبداللہ شفیق ڈیبیو پر دونوں اننگز میں نصف سنچری بنانے والے پانچویں پاکستانی بلے باز بھی بن گئے۔

باؤلنگ میں شاہین شاہ آفریدی اور حسن علی نے مل کر 14 آؤٹ کیے، دونوں باؤلرز کے حصے میں 7-7 وکٹیں آئیں، شاہین شاہ آفریدی اس سال ٹیسٹ کرکٹ میں سب سے زیادہ وکٹیں حاصل کرنے والے باؤلر بھی بن گئے۔