عابد علی نے ایک اوراعزاز حاصل کر لیا

تفصیلات کے مطابق پاکستانی اوپنر بلے بازعابد علی بنگلہ دیش کے خلاف پہلے ٹیسٹ میچ کی دوسری اننگز میں 91 رنز پر آؤٹ ہو  گئے مگر اس کارکردگی نے انہیں حنیف محمد اور ظہیرعباس جیسے لیجنڈ کھلاڑیوں کے ریکارڈ کی فہرست میں شامل کردیا۔

پاکستان کرکٹ بورڈ کی جانب سے سماجی رابطے کی ویب سائٹ ٹوئٹر پر پاکستان ٹیم کے ان 7 کھلاڑیوں کی ایک تصویر شیئر کی گئی ہے جو ٹیسٹ میچ میں ایک اننگز میں سنچری اور دوسری میں 90 سے زیادہ رنز بنا کر آؤٹ ہوئے۔ 

pic.twitter.com/62S2dZO7xP

— Pakistan Cricket (@TheRealPCB) November 30, 2021

اب اس فہرست میں عابد علی بھی شامل ہو گئے ہیں جو بنگلادیش کے خلاف پہلے میچ کی پہلی اننگز میں سنچری اسکور کرنے کے بعد دوسری اننگز میں 91 رنز بنا کر آؤٹ ہو گئے۔

اس فہرست میں پہلے نمبر پر پاکستانی کھلاڑی حنیف محمد موجود ہیں جنہوں نے 1964 کے دوران آسٹریلیا کے خلاف پہلی اننگز میں 104 اور دوسری میں 93 رنز بنائے۔

دوسرے نمبر پاکستانی کھلاڑی ظہیر عباس موجود ہیں جنہوں نے 1978کے دوران بھارت کے خلاف پہلی اننگز میں 176 اور دوسری میں 96 رنز بنائے۔

تیسرا نمبر پاکستانی کھلاڑی محسن خان کا ہے جنہوں پہلی اننگز میں 94 اور دوسری  میں 101 رنز بنائے، چوتھے نمبرسعید انور  ہیں جنہوں نےسری لنکا کے خلاف پہلی اننگز میں 94 اور دوسری اننگز میں 136 رنز بنائے۔

پانچویں نمبر پر سابق کپتان یونس خان موجود ہیں جنہوں نے پہلی اننگز میں 91 اور پھر 149 رنز بنائےجبکہ چھٹے نمبر پر محمد حفیظ ہہیں جنہوں نے پہلی اننگز میں 96 اور دوسری اننگز میں 101 رنز بناکر سنچری مکمل کی۔