پنجاب کے کسان کھاد نہ ملنے پرپریشان

جی این این کے مطابق  پنجاب  کے مختلف علاقوں میں کھاد کی قلت کا مسئلہ برقرار ہے ،  پنجاب  بھر کے کسان یوریا کھاد کے حصول میں خوار ہوکر رہ گئے  ہیں ۔

ضلع ملتان میں کسان پچاس کلومیٹر سےزائد سفر کرکے سستی کھاد کی تلاش میں مارے مارے پھرنےلگے ،  شناختی کارڈ پر دو جبکہ کسان کارڈ  پر دس بوریاں لینے  کے لیے کسانوں  کی لمبی قطاریں  لگ گئیں ۔  کسانوں کا کہنا ہے کہ علی الصبح  کھاد کے حصول کے لیے قطار لگاتے ہیں ، دن بھر کھڑے رہنے کے باوجود کھاد نہیں ملتی اور انہیں خالی ہاتھ واپس جاناپڑتا ہے۔ 

حکومتی موقف

دوسری جانب یوریا کھاد کے حوالے سے حکومتی  موقف بھی سامنے آگیا ، وفاقی وزیر اطلاعات و نشریات فواد چوہدری  نے سماجی رابطے کی ویب سائٹ ٹوئٹر پر ایک بیان میں کہا کہ  دنیا میں یوریا کی قیمت 10 ہزار روپے کا بیگ ہے ، پاکستان میں سرکاری دام 1700 روپےہے، بلیک میں بھی زیادہ سےزیادہ 2200 کی بوری ہے۔

ان کا کہنا تھا کہ ڈی اے پی پاکستان امپورٹ کرتا ہے، اس پر ہمارا اختیارنہیں ،صرف پانچ بڑی فصلوں پر کسانوں کو چار سو ارب روپے اضافی آمدنی ہوئی۔اب حکومت اس کے بعد اورکیا کرے؟

دنیا میں یوریا کی قیمت 10ہزار روپے کا بیگ ہے، فواد چودھری #GNN #GNNUpdates pic.twitter.com/csKtnYk8Bm

— GNN (@gnnhdofficial) December 13, 2021