پٹرولیم مصنوعات کی قیمتوں میں  کمی کا امکان ، ذرائع

ذرائع کے مطابق پٹرولیم مصنوعات کی قیمتوں سے متعلق اوگرا  نے سمری تیار کر لی ، اوگرا نے پٹرولیم مصنوعات کی قیمتوں سے متعلق تین تجاویز تیار کی ہیں ۔ 

ذرائع اوگرا کے مطابق عالمی مارکیٹ میں پٹرولیم مصنوعات کی قیمتیں 74 ڈالر فی بیرل رہی، گزشتہ ماہ کی نسبت پٹرولیم مصنوعات کی قیمتوں میں 10 فیصد تک کمی آئی اور  حکومت نے گزشتہ 13 دن میں 68 تا 74 ڈالر فی بیرل تیل خرید ا، قیمتوں میں اضافے کا کوئی جواز نہیں بنتا۔

ذرائع اوگرا کے مطابق عالمی مارکیٹ کے تناسب سے قیمتوں میں کمی کے باعث  پٹرولیم مصنوعات کی قیمتوں میں 8 سے 10 روپے فی لیٹر کمی کی تجویز دی ہے ۔جبکہ   لیوی ٹیکس بڑھانے کی صورت میں 4 روپے فی لیٹر تک کمی  کی بھی تجویز دی گئی ہے ۔ 

ذرائع اوگرا کے مطابق ٹیکس دوگنا کرنے کی صورت میں قیمتیں برقرار رکھی جا سکتی ہیں ،  اوگرا کی جانب سے پٹرولیم مصنوعات کی قیمتوں سے متعلق سمری آج حکومت کو بھجوائی جائے گی ۔

 آئندہ پندرہ روز کیلئے نئی قیمتوں کا اعلان کل کیا جائے گا۔