اسٹیٹ بینک نے شرح سود میں اضافہ کردیا

اسٹیٹ بینک آف پاکستان کی جانب سے جاری کردہ بیان کے مطابق نے شرح سود میں ایک فیصد اضافہ کردیا گیا ہے، نئی شرح سود 9.75 فیصد ہوگئی ہے۔اس سے قبل شرح سود 8.75 تھی۔شرح سود 20 ماہ کی بلند ترین سطح پر ہے۔

اسٹیٹ بینک کے مطابق  شرح سود میں اضافہ گرانی اور جاری کھاتوں کے خسارے کو کنٹرول کرنے کیلئے کیا گیا، شرح سود میں اضافے سے معاشی نمو برقرار رہے گی۔

کاروباری شخصیت عقیل کریم ڈھیڈی کا کہنا ہے کہ  ایک فیصد اضافے کی امیدتھی،  یہ کوئی بری نہیں شایداچھی خبر ہوگی کیونکہ اتنا اضافہ متوقع تھا،  توقعات سے کم شرح سود میں اضافہ ہوا ہے۔

عقیل کریم ڈھیڈی نے کہا کہ  شرح سودمیں اضافے کااثرصرف حکومتی پالیسیوں پرہوگا،  شرح سودمیں اضافے کاکاروباری سرگرمیوں پر اثرنہیں ہوگا،  حکومت کو سوچنا پڑے گا کہ اگر اس طرح ٹیکسزبڑھے تو حکومت ضرور متاثرہوگی۔