سابق منگیتر پر تیزاب پھیکنے والے پولیس اہلکار کو عمر قید کی سزا 

تفصیلات کے مطابق ایڈیشنل ڈسٹرکٹ اینڈ سیشن جج شرقی نے  6 سال بعد تیزاب گردی کے کیس کا فیصلہ سنادیا  ہے، عدالت نے سابق منگیتر پر تیزاب پھیکنے والے پولیس اہلکار ذیشان کو عمر قید کی سزا سنادی ، عدالت نے ملزم پر 10 لاکھ جرمانہ بھی عائد کردیا  جبکہ  عدالت نے شریک ملزم آغا کو بری کردیا ہے۔

عدالتی فیصلہ سن کر متاثرہ لڑکی کے آنکھوں میں آنسوں آگئے۔

پولیس کا کہنا ہے کہ  شادی سے انکار پر ملزم نے متاثرہ لڑکی راحیلہ اسکے بھائی اور بھتیجے پر تیزاب پھینک دیا تھا، راحیلہ چاند رات کو گھر سے مہندی لگوانے کے لئے نکلی تھی۔

ایڈووکیٹ صلاح الدین پنہور کا کہنا ہے کہ  ملزم نے اپنی آنا کی تسکین کیلئے انتہائی قدم اٹھایا، 6 سال بعد متاثرہ کو انصاف مل گیا۔

خیال رہے کہ  واقعے کا مقدمہ تھانہ مبینہ ٹاؤن میں درج ہے۔