ملک دیوالیہ ہوچکا:سابق چیئرمین ایف بی آر شبر زیدی

تفصیلات کے مطابق ایک تقریب میں شبر زیدی کا کہنا تھاکہ ہم کہتے رہے ہیں کہ بہت اچھا ہے، بڑی اچھی چیزیں ہیں اور ملک بڑا اچھا چل رہا ہے، ہم نے بڑی کامیابی حاصل کرلی ہے اور تبدیلی لے آئے ہم مگر یہ سب غلط ہے۔

سابق چیئرمین ایف بی آر کا کہنا تھاکہ میری رائے کے مطابق اس وقت ملک دیوالیہ ہوچکا، اکاؤنٹنگ کی اصطلاح میں ملک دیوالیہ ہوچکا۔

شبر زیدی کا کہنا تھاکہ جب آپ یہ طے کرلیں کہ ہم دیوالیہ ہوچکے ہیں اور اس سے آگے ہمیں چلنا ہے، یہ زیادہ بہتر ہے بہ نسبت اس کے کہ آپ کہیں کہ ملک اچھا چل رہا ہے، میں یہ کردوں گا، میں وہ کردوں گا، یہ سب لوگوں کو دھوکا دینے والی باتیں ہیں۔

خیال رہے کہ بعد میں سوشل میڈیا پر اپنے بیان میں شبر زیدی نے کہا کہ نجی یونیورسٹی میں ان کے بیان کو غلط رپورٹ کیا جارہا ہے۔

شبر زیدی کے مطابق انہوں نے صرف یہ بتایا تھا کہ موجودہ کرنٹ اکاؤنٹ اور مالی خسارے کے معاملات دیوالیہ جیسی تشویش ناک صورت حال ظاہر کر رہے ہیں۔

ترجمان وازرت خزانہ مزمل اسلم نے شبر زیدی کے بیان کو مسترد کرتے ہوئے سماجی رابطے کی ویب سائٹ ٹوئٹر  فیگرز شیئرز کردیئے ہیں۔

اگر میری یاداشت سہی ہے تو پاکستان دو دفعہ دیوالیہ ہوا۰ پہلی دفعہ PMLN دور میں جب 1998-99 میں فارن کرنسی اکاؤنٹ فریض ہوئے۰ اور دوسری دفعہ 2009 میں PPP نے اسٹاک مارکیٹ فریض کی تھی۰ البتہ 2018 میں PTI کو دیوالیہ معیشت ملی نہ قرض اتارنے اور خسارہ کے پیسے۰ کرونا کے باوجود ریکارڈ زخائر https://t.co/fdCZIgwava

— Muzzammil Aslam (@MuzzammilAslam3) December 15, 2021

یاد رہے کہ شبر زیدی وزیراعظم عمران خان کی حکومت میں 10 مئی 2019 سے 8 اپریل 2020 تک چیئرمین ایف بی آر رہے۔