عمران نیازی کوبنی گالہ میں بیٹھ کرغریب کےدکھ نظرنہیں آتے؟حمزہ شہباز

تفصیلات کے مطابق اپوزیشن لیڈر پنجاب اسمبلی کا کہنا تھا کہ عمران خان جب سے آئے ہیں ،انہوں نے ڈرامہ رچایا ہوا ہے۔حکومت کاچوتھاسال ہے،کہاں ہیں 50 لاکھ گھر؟پیشی اس کی ہونی چاہیے جس نے ایک کروڑ نوکریوں کا وعدہ کیا مگر نہیں دی۔ پیشی اس کی ہونی چاہیے جس نے عوام کو چینی کے لیے لائنوں میں لگادیا۔

حمزہ شہباز کا کہنا تھا کہ  3سال سے عوام کودھوکہ دیا جارہاہے ،معیشت کوتباہ کردیاگیا،یہ کھلاڑی نہیں کھلواڑ کرنے والا شخص ہے۔اس حکومت نے ایک کلو میٹر موٹروے نہیں بنائی۔ موٹروے پر جگہ جگہ گڑھے پڑ چکے ہیں،عمران نیازی یوم حساب کا وقت آچکا ہے۔

اپوزیشن لیڈر پنجاب اسمبلی حمزہ شہباز کا کہنا تھا کہ افغانسان کے کرائسسز کے اثرات پاکستان پر مرتب ہو رہے ہیں۔ چار سالوں میں یہ حکومت ایک دن بھی سیاسی جماعتوں کے ساتھ مل کر بیٹھی ہے؟ ان کی انا بنی گالہ سے بھی اونچی ہے،اگر اس قوم نے عوامی مسائل سے چھٹکارا پانا ہے تو حکومت کے سامنے کھڑے ہو جائیں۔

ان کا مزید کہنا تھا کہ آج کا دن یہ یاد دلاتا کہ اس قوم کو دہشت گردی کے ناسور کیخلاف متحد ہونا پڑے گا،سکیورٹی کے معاملے پر وزیر اعظم غائب کیوں ہو جاتے ہیں،سانحہ اے پی ایس کا سبق ہے کہ نیشنل ایکشن پلان پر کام کرنا ہے۔