وزیر اعظم عمران خان کا ایوان سے اعتماد کا ووٹ لینے کا فیصلہ

وفاقی وزراء نے پریس کانفرس مشترکہ پریس کانفرنس کی۔وزیر خارجہ شاہ محمود قریشی نے کہا کہ  ہماری لڑائی جاری رہے گی، متفقہ فیصلہ کیا گیا ہے کہ عمران خان ایوان سے اعتماد کا ووٹ لیں گے، اور واضح ہوجائے گا کون کہاں کھڑا ہے؟ جو عمران خان کے ساتھ کھڑے ہیں وہ ایک طرف نظر آئیں گے۔

شاہ محمود قریشی نے کہا کہ  سینیٹ الیکشنز سے پہلے تمام پارٹیز کو دعوت دی کہ آئیں اوپن بیلٹ کی طرف چلتے ہیں، قومی اسمبلی کی ایک سیٹ پر ہماری خاتون ممبر کامیاب ہوئیں، وزیراعظم عمران خان کے بیانے پر ایک مہر لگ گئی، وزیراعظم عمران خان کے تمام خدشات درست ثابت ہوئے، ضمیروں کے سوداگروں نے جمہوریت کے نام پر ضمیروں کی خریداری کی۔

وزیر خارجہ  شاہ محمود قریشی نے پریس کانفرنس میں کہا کہ  یوسف رضاگیلانی کی جیت   کیلئے  ہر حربہ استعمال ہوا، الیکشن سے ایک رات پہلے یوسف رضا گیلانی کے بیٹے کی ویڈیو وائرل ہوئی، سپریم کورٹ نے کہا صاف شفاف الیکشن کرانا الیکشن کمیشن کی ذمہ داری ہے، ویڈیو آنے کے بعد الیکشن کمیشن پر زیادہ ذمہ داری آتی تھی کہ وہ صفاف الیکشن کراتے۔

شاہ محمود قریشی کا کہنا ہے کہ  گزشتہ سینیٹ الیکشن میں بھی ووٹوں کی خریدوفروخت ہوئی، سینیٹ الیکشن سےمتعلق ہمارےخدشات درست ثابت ہوئے، سینیٹ الیکشن کےنتائج سےہمارےبیانیےکوتقویت ملی، الیکشن کمیشن شفافیت کی یقین دہانی کرانےمیں ناکام رہا ہے۔وزیر خارجہ نے کہا کہ  وزیراعظم عمران خان نے سیاسی کلچر کو تبدیل کرنے کی ہر ممکن کوشش کی، الیکشن کمیشن نے اپنی ذمہ داری صحیح طریقے سے نہیں نبھائی۔

وزیر خارجہ نے پریس کانفرنس میں کہا کہ   اگر ناراضگی ہوتی تو ایک کی بجائے دونوں ووٹ لوگ اپوزیشن کو دیتے، یہ پی ٹی آئی سے ناراضگی کا معاملہ نہیں یہ پیسے کا معاملہ تھا، ہم اس فرار کی سیاست کو دفن کرکے دم لیں گے ، ہم اپنے نظریے پر قائم ہیں ،یہ یکجا ہوگئے ہیں ، یہ فرار کی سیاست کرتے ہیں ، وقتی طورپر یزیدی قوتوں کو کامیابیاں  دکھائی دے سکتی ہیں۔

وفاقی وزیر سائنس و ٹیکنالوجی فود چودھری نے کہا کہ  الیکشن کمیشن کو ہم 3دن سے کہہ رہے تھے کہ ٹیکنالوجی کا استعمال کیا جائے، یہ اتنے باضمیر لوگ ہیں کہ خاتون نشست پر پی ٹی آئی کو ووٹ دیا اور دوسری سیٹ پر اپوزیشن کو ووٹ دیا۔

وفاقی وزیر اسد عمر نے پریس کانفرنس میں کہا کہ   آج کے الیکشن میں تحریک انصاف نے مجموعی طور پر اپنی سیٹیں لی ہیں، سیاست میں ایک طرف عمران خان،دوسری طرف پیسےکی سیاست کرنیوالے ہیں۔