افواہیں دم توڑگئیں،پاکستان اور ویسٹ انڈیز کے درمیان تیسرا ٹی 20 شیڈول کے مطابق ہوگا

تفصیلات کے مطابق پاکستان اور ویسٹ انڈیز کے درمیان تیسرا ٹی ٹوئنٹی میچ کھیلے جانے کے امکانات روشن ہوگئے۔

یاد رہے کہ گزشتہ روز ویسٹ انڈین اسکواڈ کے مزید 5 ارکان کا کورونا ٹیسٹ مثبت آیا تھا جس کے بعد دونوں ٹیموں کے درمیان جاری سیریز ختم ہونے کے خطرات منڈلانے لگے تھے۔

دونوں ٹیموں کے درمیان تیسرے ٹی ٹوئنٹی کا انحصار ویسٹ انڈین کھلاڑیوں کے کورونا ٹیسٹ پر منحصر تھا۔

ذرائع کا کہنا ہے کہ مہمان ٹیم کے تمام کھلاڑیوں کے کورونا ٹیسٹ منفی آ گئے ہیں۔اب تیسرا ٹی 20 مقررہ وقت پر ہو گا۔