بھارتی کرکٹر ہربھجن سنگھ کی سیاست میں انٹری؟ْ

تفصیلات کے مطابق بھارت کے معروف اسپنر ہربھجن سنگھ نھے پنجاب کانگریس صدر نوجوت سنگھ سدھو سے ملاقات کی ہے، اس ملاقات کے بعد سے ہربھجن سنگھ کے کانگریس میں شامل ہونے کی قیاس آرائیاں تیز ہوگئی ہیں۔

سماجی رابطے کی ویب سائٹ ٹوئٹر پر ایک ٹویٹ میں پنجاب کانگریس کے صدر نوجوت سنگھ سدھو نے ہربھجن سنگھ کے ساتھ ایک تصویر شیئر کی ہے جس میں انہوں نے لکھا کہ ’امکانات سے لبریز تصویر۔۔۔۔ چمکتے ستارے بھجی کے ساتھ‘۔ تاہم سیاست میں آنے سے متعلق ہربھجن سنگھ کا فی الحال کوئی ردعمل سامنے نہیں آیا ہے۔

Picture loaded with possibilities …. With Bhajji the shining star pic.twitter.com/5TWhPzFpNl

— Navjot Singh Sidhu (@sherryontopp) December 15, 2021

خیال رہے کہ  چند روز قبل  بھارتی کرکٹر ہربھجن سنگھ کے بھارتی جنتا پارٹی (بی جے پی)  میں شامل ہونے کی بھی قیاس آرائی کی جارہی تھیں،جس کو انہوں نے مسترد کردیا تھا۔