پاکستان اور ویسٹ انڈیز کے درمیان ون ڈے سیریز ملتوی

تفصیلات کے مطابق پاکستان اور ویسٹ انڈیز کے درمیان ون ڈے سیریز ملتوی کردی گئی ہے۔ ون ڈے سیریز کو جون 2022 میں شیڈول کیا جائے گا۔ ون ڈے سیریز ملتوی کرنے کا فیصلہ دونوں بورڈز کا مشترکہ ہے۔

ویسٹ انڈیز کے 6 کھلاڑیوں کو کورونا وائرس ہونے کے باعث سیریز ملتوی کی گئی ہے، کورونا پازیٹیو آنے والے پلیئرز آئسولیشن مکمل کرنے کے بعد اپنے وطن واپس روانہ ہوں گے۔ کورونا منفی آنے والے ویسٹ انڈیز پلیئرز آج رات واپس روانہ ہو جائے گی۔

قبل ازیں ویسٹ انڈیز کرکٹ کے مطابق 3 کھلاڑی اور 2 سپورٹ ارکان میں کورونا وائرس کی تصدیق ہوئی تھی، کورونا سے متاثر کرکٹرز میں شائے ہوپس، عقیل حسین اور جسٹن گریوز شامل تھے، تینوں کرکٹرز باقی میچز نہیں کھیل رہے اور کورونا پازیٹیو آنے والے پانچوں ارکان آئسولیشن میں ہیں۔

دورہ پاکستان پر آنے والے 6 کھلاڑی اب تک کورونا کی وجہ سے ٹور سے باہر ہو چکے ہیں جبکہ ڈیون تھامس انجری کا شکار ہیں، وہ پہلے ٹی ٹوئنٹی میں انجرڈ ہوئے تھے۔