پی پی 206 ضمنی الیکشن : پاکستان مسلم لیگ ن کے امیدوار نے میدان مارلیا

تفصیلات کے مطابق ؤ 183 پولنگ اسٹیشنز میں سے 183پولنگ اسٹیشنز کا غیر حتمی غیر سرکاری  نتیجہ آگیا،مسلم لیگ  ن لیگ کے رانا محمد سلیم 47985ووٹ لے کر میدان   مارلیا، پاکستان تحریک انصاف کی نورین نشاط 33875ووٹ لے کر دوسرے نمبر پر رہے۔

خانیوال کے حلقہ پی پی 206 میں ضمنی  الیکشن  کے  لیے  پولنگ کا عمل شام 5 بجے تک بغیر وقفے کے جاری رہا، مسلم لیگ ن ،تحریک انصاف،پیپلزپارٹی اور تحریک لبیک کے  امیدوار مدمقابل تھے۔  مسلم لیگ ن کے رانا محمد سلیم اور تحریک انصاف  کی نورین نشاط میں  کانٹے کا مقابلہ ہوا۔

 حلقے  میں  کل 183 پولنگ اسٹیشن  قائم ہیں جبکہ  دولاکھ سے زائد  ووٹرز رجسٹردڈ ہیں ۔ سکیورٹی کے لیے رینجرز اور پولیس کی بھاری نفری تعینات کی گئی تھی۔

ووٹنگ کے دوران  پولنگ اسٹیشن غلہ منڈی پر  مسلم لیگ ن اور ٹی ایل پی کے کارکنوں کے درمیان ہاتھا پائی ہوئی ہےجس کے بعد  پولیس کی بھاری نفری موقع پر پہنچ گئی تھی۔