شمالی کوریا کی اپنے شہریوں پر 11دن کیلئے ہنسنے پر پابندی عائد

غیر ملکی خبر رساں ادارے کے مطابق  شمالی کوریا نے اپنے رہنما کم جونگ اِل کی 10ویں برسی کی یاد میں اپنے شہریوں پر 11 دنوں کے لیے ہنسنے یا خوشی کے آثار دکھانے پر پابندی لگا دی ہے۔اشاعت نے پابندی کی تصدیق کے لیے ریڈیو فری ایشیا کی ایک خبر کا حوالہ دیا جس میں ایک شہری نے اس  حوالے سے کہا ہے کہ سوگ کے دوران تمام تفریحی سرگرمیوں بشمول ہنسنے، پینے اور گروسری کی خریداری پر پابندی عائد کر دی گئی ہے۔یہ عمل کوئی نیا نہیں ہے کیونکہ اس سے پہلے بھی اس طرح کی پابندیاں لگائی جا چکی ہیں۔

 رپورٹ کے مطابق، شمالی کوریا کے ایک گمنام شہری نے کہا کہ "بہت سے لوگ جو پابندی کے دوران شراب پیتے یا نشے میں پکڑے گئے تھے، گرفتار کیے گئے اور ان کے ساتھ نظریاتی مجرموں جیسا سلوک کیا گیا، اور انہیں دوبارہ کبھی نہیں دیکھا گیا۔"

اگر کوئی سوگ کے دوران فوت ہو جائے تو اس کی تدفین سوگ کی مدت ختم ہونے کے بعد کی جاتی ہے۔عام طور پر یہ سوگ ہر سال برسی کے موقع پر 10 دن تک جاری رہتا ہے لیکن اس سال یہ 11 دن تک جاری رہے گا۔

کم جونگ اِل نے دسمبر 2011 میں اپنی موت تک شمالی کوریا پر 17 سال حکومت کی اور اقتدار اپنے بیٹے کو دے دیا۔ کم خاندان کی تین نسلیں 1948 سے ملک پر حکومت کر رہی ہیں۔شمالی کوریا کے باشندوں کو پیدائش سے ہی کم ال سنگ اور کم جونگ ال کی تعظیم کرنا سکھایا جاتا ہے۔